French police-te chuan Paris bul, Seine luia ruang pali chhar a nih hnuah a thattu nia an rinhlelh mi pakhat manin thu an zawt fiah mek.
Ruang hmuh hmasak ber hi August 13-a an khawpui chhimchhak lam dai, Choisy-le-Roi-a lei bulah a bula kalin a hmuh a ni a. A hnuah police-in a bul vel dap zuiin ruang dang pathum an hmu zui a ni.
Prosecutor-te chuan ruang pakhat hi nasa taka tawn a ni a, a dangte pawh hi nasa taka sawisakna hnu hliam tuar an ni tih an sawi.
A titu nia rinhlelh mipa hi Paris-a man a ni a. Police chuan tunge a nih an la puang lo va, mi eng zat nge a that tih an zawt a, chu pawh an la puang lo bawk.
Ruang hmuh hmasak ber hi tuiah hian rei tak a awm hman lo nia ngaih a ni a, tual chhung mi mipa kum 40 a ni tih finfiah a ni tawh tih prosecutor-ten an sawi.
Mi dang pathum erawh an thihna a rei deuh tawh tih hriat theih takin ‘an lo tawih chhe nual tawh’ tih an sawi bawk.
Prosecutor-te chuan heng ruang pali hmuhte hian inkungkaihna leh inzawmna an nei em tih hriat theih a la ni lo tih an sawi a. An vai hian lui hnar lam hmun hrang hranga paih, tuiin Choisy lei bula a len chhuah tak a nih an ring.