Aizawl: August ni 19-20, 2025 chhung khan MNF MLA pathum – Er R Rohmingliana, Rasik Mohan Chakma leh Prova Chakma ten Lalrintluanga Sailo (L) bial thin, Dampa South Block khaw hrang hrang hrang an tlawh.
MNF MLA pathumte hian tun dinhmunah Dampa bialin bialtu MLA nei rih loh mah se an theih ang angin bial mipuite chu buaipuia tanpui zel an tum thu an sawi a. An bialtu MLA thin ang maia bialtu MLA tha an neih leh ngei an beisei thu an sawi bawk.
Dampa South bial mipuite hian MNF MLA pathumte hnenah MNF sorkar laia hmunphiah kg khat Rs 100 chung lama an hralh zung zung thu an lo sawi a. Chutih laiin, tun sorkar hnuaiah hralh zawhna tur an hmuh loh thu leh man tlawmte tea an hralh thu an lo sawi a. MNF MLA-te hian a theih ang anga House-ah lo aupui an tum thu mipuite hi an hrilh a ni.
Dampa bial an tlawh zawh hian MNF MLA te hian Thorang bial Marpara South an tlawh a. He hunah hian R Rohmingliana leh Prova Chakma ten thu an sawi bakah, an party-a mi thar eng emaw zat an lawm lut nghal bawk.