Aizawl: Aizawl khawpui chhunga police officer kalkhawmte chuan ngawrh zawka Inner Line Permit nei leh nei lo endikna kalpui an rel.
Nimin khan Aizawl khawpui chhunga Sub-Divisional Police Officer (SDPO) leh Police Station-a Officer-in-Charge (OC)-te telin, SP, Aizawl office-a Aizawl District Police Officer-te thukhawm chuan Bengal Eastern Frontier Regulations (BEFR), 1873 hnuaia Inner Line Permit (ILP) kenkawh mek dan sawi hovin an thukhawm.
Thutkhawmah hian kumin chhung hian ILP checking vawi 48 neih tawh a nih thu leh, ILP neilo leh hmangsual mi 281 man chhuah tawh an ni a, hengte hi Court-ah hruai an nih thu tar lan niin, Police officer kalkhawmte chuan hmalak tawhnate tha thawkhat viauin lang mah se, hmalak thar ngai nia hriain hmachhawp atan ILP checking ngawrh zawk a neih an rel.
ILP checking neih dan tur ruahmanna siamin, Aizawl khawpui chhunga veng hrang hrangte a veng bil a theih ang a tuam turin ruahmanna siam a ni. Hemi atan hian veng bil Local Council leh NGO hrang hrangte pawh phungbawm a sawm an rel bawk.