Dampa bial by-election lo awm turah zpm ticket-in Vanlalsailova a in candidate dawn.
Vawiin chawhmaa ZPM party chhung inkhawmah, ZPM President Lalliansawta’n Dampa bial by-election lo awm tura an party ticket-a ding turin Vanlalsailova ruat a nih thu a puang.
Dampa bial by-election neih hun tur hi la puan loh a ni. Political party tam zawkin candidate tur pawh an la tihfel loh laiin, candidate puang chiang hmasa ber chu rorellai ZPM an ni ta.
Kum 2023 MLA inthlanpuiah khan Dampa bial-ah ZPM ticket-in Vanlalsailova hian a lo chuh ve tawh. Bialtu MLA ni lai MNF palian, Lalrintluanga Sailo a hneh lo thung. Mahse, bialtu MLA hi July ni 21, 2025 khan vanduaithlak takin a thi. He a thihna avangin by-election neih tur a ni.