Chief Minister Lalduhoma kaihhruaiin nimin khan Chief Minister’s Rubber Missions chungchang sawi hoin an thukhawm.
CM Conference Hall-a thutkhawmah hian CM Rubber Missions, thawh hnihna kalpui dan tur tlangpui an sawi a. Ram hectare khata zauva rubber kung 450 vel phun hi chhungkaw pakhat tan a beitham deuh dawna a lan avangin hectare hniha zau thlenga an tihzauh theih tur ram pek dan awm thei se. Tanpuina hi chu hectare khat atan pek phawt a, a tul anga a kum leha pek belh dan dap thin an rel.
Rubber tiak tha chauh lo neituten an dawn theih nana hmalak dan tur tha nia an hriatte sawi hoin a chingtu turten a chi tha, chintlak chauh an lei theih dan ruahmanna siam nise an ti bawk.
Thutkhawmah hian Land Resources, Soil & Water Conservation Minister Lalthansanga leh department hotute, Mizoram Rubber Society hotute an tel.
CM’s Rubber Mission hi NABARD fund leh Handholding sum hmanga kalpui mek a ni a. A thawh hnihna atan inbuatsaih chhoh mek niin, a thawh hnihnaah hian Handholding atangin chhungkaw 1,373 leh NABARD atangin chhungkaw 1,200 te nena thawhho tur a ni.