Kan ramah ruihhlo leh a kaihhnawih hmansualna a nasa hle mai a, thalai tam takten buaina tawkin, nunphung hlauh phah ta an tam hle.
Ruihhlo hmansual hlauhawmzia leh tihchhin a pawizia hi kan inhrilh ngun a tul a, zirlai naupang, lehkhazir tan tirte atanga kan inchah a, kan fuih a, kan zirtir mawlh mawlh hi a ngai tawh hle.
Nun a tihchhiat dan leh a bawiha tang tawhten talchhuah an harsat tawhziate hi sawi tam a tul a, kan fimkhur a, a do tura ke kan pen nasat hi a va ngai tawh em.
Khawvelin hma a sawn a, changkan lam a pan zel lai hian ruihhlo ngei pawh hian min run nasa tulh tulh dawn tih hi kan hriatreng a tul a, chumi do let tura tun atanga kan lo inbuatsaih leh kan lo chet ve thuai thuai hi a tul a, naupang rilru thianghlim tak takte atanga a hlauhawmzia kan inhrilh mawlh mawlh a, zirna in atanga kan tan pawh hi a hun tawh viau.
Hun a lokal zel ang a, heng ruihhlo hmang sual leh ngaite hi an hun chhung a rei dawn lo. A dawt leh generation te hian nuihzat changa an chan theih nan hma ila tlang mawlh teh ang u.