Lucas Vazquez chuan Real Madrid a chhuahsan hnuah club thar a nei dawn ta a, Erik ten Hag-a’n a enkawl, Bayer Leverkusen a pan ta.
Thawhlehni khan Vazquez hian Germany a pan a, a football khelh hun chhung zawng Real Madrid tan a hmang dawn emaw tih laiin club thar a nei dawn ta a ni.
Kum 34 mi hi right midfield leh right back-ah a chhawr theih a, Club World Cup semi final atanga an tlak rual khan Real Madrid a chhuahsan thu a puang a ni.
Spanish khawpuiah hian Vazquez hian kum 18 hun a hmang a, Real Madrid tan a hun a hmang zo titih a, 2014-15 season khan Espanyol-ah loan-in a khel ve.
Midfield leh tlarhnungah pawh a chhawr theih ve ve a, Dani Carvajal-a thachhangdawltu a ni thin a, Real Madrid-in Trent Alexander-Arnold an lak hnuah erawh a tan hmun a awm ta lo a ni.
“Real Madrid-a ka duhthusam chu ka hlen chhuak ta,” tiin Vazquez chuan a chhuahsan khan a sawi.
Los Blancos tana a khelh chhung hian nomawi 20 a chawi a, hengah hian Champions League nomawi panga leh La Liga nomawi pali a tel a, Real Madrid tan vawi 400 chuang a khel bawk.
Kum 2016 leh 2018 inkar khan Spain tan a khel a, Euro leh World Cup-ah a inlan ve a ni.