ABC chuan nakkuma American Idol neih leh tur a nih thu tichiangin, judge turin Luke Bryan, Lionel Richie leh Carrie Underwood te chu an thut leh tur thu an sawi.
American Idol tihchhuah atanga season 24 na tur niin, ABC in an huaihawt hnuah erawh season 9 na tur a ni dawn thung.
Judge tura tih pathumte chuan an dawhkan ngai an luah leh thei tur chu an lawm thu leh an phur tawh thu an sawi a, inelna thianghlim tak a awm leh thei tur chuan a tihhlim tak zet tawh thu an sawi hlawm.
American Idol hi June 2002 khan Fox chuan tichhuak tanin, season 15 chhung hlawhtling taka an kalpui hnuah April 2016 khan an tihtawp thu sawiin, a hnu kum hnihah ABC chuan an rawn tharthawh veleh a, hemi atang hi chuan Bryan leh Richie te hi judge panel-ah an la thu ta ngar ngar a ni.
Season hmasa atang khan he platform atanga pakhatna lo ni tawh Underwood chuan judge dawhkan luahlum vein, Katy Perry a thlak a. Katy hian music lama insawrbing leh tour lam buaipui a duh avangin judge dinhmun hi a kalsan.