Health Minister Lalrinpuii’n private hospital-ten Mizoram Universal Health Care Scheme (MUHCS) an la zawm loh chhan chu cashless an duh loh vang a nih thu house a hrilh.
Nilainia Mizoram Legislatuve Assembly session-ah zawhna leh chhanna hunah zawh belhna chhang health minister chuan, “Keini’n cashless hi kan policy a nih avangin mipuite hamthatna turin cashless ngeiin tih nise kan ti a, hemi chungchangah private hospital-te nen kan la inbe reng a. An pawm ve theih thuai kan beisei,” a ti.
Health minister chuan tun dinhmunah empanelled hospital 11 a awm mek tih sawiin, hemi bakah hian day care pathum, state pawnah 25 leh deemed empanelled 13 a awm mek tih a sawi.
Hei bakah hian ZMC&H chuan Medical Council of India (MCI) permission chu a kum te tein an nei tih sawiin, kum hnih atan an pe leh phawt a, an pek chhoh zel pawh a ring tih a sawi bawk.