Aizawl: Aizawl-Thenzawl-Lunglei World Bank Road chungchanga Mizoram Legislative Assembly-a Committee on Estimates, Second Report (Action Taken Report) chu nimina Assembly session-ah Committee Chairman W. Chhuanawma’n a present.
He Report-ah hian First Report a Committee on Estimates-in recommendation a siam tawh sorkarin a bawhzui dan leh hma a lak dan te tar lan a ni a, recommendation a siam belhte tarlan a ni bawk.
Report hian he Committee-in information a hmuh leh a taka enfiah a nih hnua sorkarin hma a lakna, kawng thawm that hna (patch repair leh resurfacing) a thawh a record mai bakah, hma lak lehna tura duante a record tel a. Sorkarin fur zawha full rehabilitation hna a thawh theih hmaa hma la lailawk tura recommendation-te leh mipuite hnena regular taka update siam tura a tihna te a tel bawk.
Committee on Estimates-ah hian member panga – Lalmuanpuia Punte, C. Ngunlianchunga, Robert Romawia Royte, T. Lalhlimpuia leh Jeje Lalpekhlua te an awm a ni.