Aizawl: Sumdawng pawl inzawmkhawm Mizoram Merchant Association (MIMA) chuan Mizote inhung bikna, Inner Line Permit (ILP) hi khirh leh khauh taka sorkarin a lekkawh an phut.
August 26, 2025-a MIMA Executive committee chuan tun lai hian Mizoramah hnam dang an lut nasa hle nia a hriat avang leh, Assam sorkarin an rama Bangladesh awmte chhuak tura a tih avangin Mizoramah lo lut an nasa nasa dawn hle nia an ring a. Tunah pawh Mizoram kawt chhuah, Vairengte-ah ILP siamna hmun a lun hle niin an hria. Mizote hi an la tam lo vin, sumdawnna kawngah ngat phei chuan chimral an la sam hle dawn avangin, ULP hi khirh leh khauh taka sorkarin lek kawh an duh.
ILP hi a sponsor-tu leh a diltu phone number leh address dik tak ziah a, finfiah thlap ni bawk se. Rang leh fel fai zawka ILP tihfelsak an nih theih nan a tul angin thawktu pawh dah belh nise. Hnamdang sponsor-tute hian an sponsor-te permit a tawpa thawn haw hi an mawhphurhna a ni tih hre thar leh se. An mamawh tawh loh huna se zawl chhuah mai lo vin, an sponsor-na lehkha copy chu an chenna Local Council/VC a theh lut ve ngei tura ti turin sorkar leh a sponsor-tu an phut.
MIMA chuan National Highway 306/06 chu a chhiat avang leh, a siam buai laia lirthei tangkhang tam lutuk chu pawi an ti a. A chhe zual lai thawm zung zung tur hi thawktu dah belh leh theih nise an ti.
Hnamdang leh foreigner lo lut, dan loa sumdawng an tam ta hlea hriain, heng mite list hi siam tum a nih tu an sawi bawk.