Villarreal winger Yeremy Pino chuan London a pan mek a, Crystal Palace a zawm dawn.
Kum 22 mi Spain international hi Ningani khan Palace-ah medical nei tura tih a ni a, £ maktaduai 21.5 vel man a ni dawn niin The Athletic chuan a tar lang.
Mi mal thilah inremna an nei vek tawh a, kum 5 chhung daih contract a ziak ang.
Pino hian Villarreal-ah a football hun a la hmang vek a, kum 2020 khan La Liga-ah inlan tanin Spanish club tan hian vawi 150 a khel tawh.
Season hmasa khan La Liga-ah vawi 25-ah a inlan a, goal li khungin a thiante thun tur vawi sarih a siamsak a. Villarreal hi pasarihna a nihpui.
Pino hi Spain tan vawi 15 a inlan tawh bawk a, October, 2021 khan a vawi khat nan inlanin an ram tan hian goal thum a khung tawh a ni.
Palace hian midfield thawm that an tum hle a, Eberechi Eze chu Arsenal-in £ maktaduai 67.5-a an leisak hnuah a hmun ruak luahtu tur an dap.
Captain Marc Guehi pawhin a chhuahsan dawn niin a lang a, Liverpool-in England defender hi lei tumin hma an la ngar ngar a, Palace-a hian kum khat chauh hun a nei tawh.
London chhim veng club hi tun nipui bazarah an che na vak lo a, left-back Borna Sosa leh goalkeeper Walter Benitez te chiah an la lei a, loan-a an hawh Ben Chilweel chu Chelsea-ah a kir leh tawh a, Matt Turner pawh Nottingham Forest-ah a kir leh tawh bawk.