Kan MLA zinga pakhat boral avangin bial pakhatah bye-election neih a ni dawn a, party hrang hrang an inbuatsaih chho tan mek.
Tin, kumtawp a hnai a, pawl hrang hrang inhmuhkhawm tam hun leh programme hrang hrang siam hun a ni chho leh dawn.
Heng thil hrang hrang bakah hian kan hriatlawk ni lem lo eng engemaw a rawn awm lovang tih a sawi theih loh a. Hetiang hunah hian traffic jam siam lo zawnga hun hman kan zir zel hi a pawimawh hle.
Kan khawpui kawngpui zim zia leh a tawtzia, lirthei a tam tawh si zia kan hria a, inthlanchhawk dan hrang hrang enchhin mek a ni bawk. Kawngpui tawt leh traffic jam in kan nunphung a nghawng dan pawh a hretu kan ni. Chumi a nih avang tak chuan kawngpui tichep zawnga hun kan hman loh hi a tul a, inlak ropui leh len nana hman chi ni pawhin a lang lo.
Nitin lirthei a pung tual tual a, kawngpui erawh zauh ngaihna eih a awm si lo. Hetiang hi kan ram dinhmun a nih laia, kan awmna pawl/party inlak len duh vanga traffic jam siam zawnga hun hman loh hi kan thiam a tul a, chumi tur chuan kan inbuatsaih lawk hret hret hlawm pawh a tul awm e.