Aizawl: Assam Rifles leh Excise & Narcotics Department (END) tangkawp chuan Inrinni khan heroin eng emaw zat an man.
Assam Rifles-in an tar lan danin, END nen an thudawn bawhzuia joint operation an neihah Upper Republic, Aizawlah heroin gram 74 an man a. An ruihhlo man hi Rs nuai 51.8 man hua chhut a ni.
Heroin kaihhnawihah hian C Laramthanga (38), Aizawl Venglai nia inchhal an man a, heroin nen hian dan anga hmalak chhunzawm turin END kutah hlan a ni.