7 Rings singer chuan kum 2026 ah North America leh UK-ah Eternal Sunshine Tour neih a tum thu a puang.
Kum 32 mi Ariana Grande chuan he a tour neih tur chungchang hi Instagram lamah dahchhuakin, “see you next year” a ti bawk.
Grande hian kum 2019 khan tour hlawhtling tak lo nei tawhin, Eternal Sunshine tour hian a chhunzawm leh dawn ta a ni.
“Ka phur tawh tak zet, show neih hlan hi ka nghakhlel tawh. Fan te nena hun hlimawm tak hmang tura show hmanga stage a inlan hlan hi ka nghakhlel tawh hle,” Ariana Grande chuan a ti.
Eternal Sunshine Tour ticket hi mipui vantlang tan chuan September ni 10 atang hian zawrhchhuah tan a ni dawn a, ArianaGrande.com ah book tur a nih thu tihchian a ni tawh bawk.