LPS Vision Production buatsaih, Mahindra XUV 3XO Mizo Talent 2025 neih zawh taka runner up Lucy Lalthazuali chuan Thawhlehni tlai khan an khua a thleng a, Venglai East, Kolasib All NGO-in lo hmuakin a lawmna an lo buatsaih.
Lâm thiam ngaihzawn rawn, Lucy-i hi Mizo Talent-a a inlanpui zinga mi, winner Vanlalhlupuia, runner up Joseph-a leh Robert-a (2MG), Lalrintluanga (Top 5), Top 10 zinga mi, ventriloquist Lalawmpuia, Jacob Lalhmingmawia leh lâm thiam Dp-i ten an zui a. An khawtlang hruaituten Thingdawl farm Bung bul atanga lo hmuak tanin an chenna inah hun hman chhunzawm a ni.
Lucy-i hmuahna inkhawmah hian Venglai East VC, YMA, MHIP leh NGO dang ten Lucy-i hnenah thil pek an hlan a. Lucy-i hi a lâm bakah thian thenkhatte pawhin an thiam thil an pho chhuak bawk.