Zaithiam Rebecca Lallawmsangi pum a ruak lo! A pasal Nicky Lalchhankima nena an fa hmasa ber tur a pai.
Fa a pai thu hi Rebecca hian a social media account kaltlangin vawiin khan thlalak rawn share-in a rawn puang. A thlalakah chuan pregnancy test kit a rawn lek chhuak va va a. A test kit-ah chuan fa a pai tih lan tirna a chuang. A kutah venflon a vuah nghe nghe.
A thlalak pho lanah chuan, “Kan dil loh zawk malsawmna. Lalpa kan tan hian i va tha em!! Mihring hian kan duh huna neih te kan inrin hun chauh a neih turah te rem kan lo ruat ve thin bawk na in…Nang chuan a hun i tihah chat min pe a kan va lo thu lo tak em!! I remruat a innghat ringtu te nunah hian vuina tur reng hi alo awm love,” tiin caption a hmang a. Lawmpuina comment pawh a tlep thla tuarh nghal!
July ni 8, 2025 khan Rebecca Lallawmsangi hian pasal atan, hun rei tak chhung a lo kawppui tawh, rapper Nicky Lalchhankima (aka Lil Kiki) chu ‘tiam tlat e’ tihpuiin, Bualpui Presbyterian Kohhran Hall-ah an inkutsuih a ni.