Selena Gomez leh a kawppui Benny Blanco te chuan kartawp khan tuipui kamah am taka hun hmangin, heta an thlalak hrang hrangte hi Gomez-i chuan a rawn tarchhuak a, “Ka theihnghilh ngai tawh lovang” a ti hnap bawk.
Blanco,37 leh Selena-i te hi hmun hrang hrangah kal kualin, nipui chawlh am takin an hmang dun tih a lang a, an awmna Mexico khawpui chu an al hneh viau niin a lang.
A thlalak pakhatah phei chuan Gomez hian tuipui kamah thawmhnaw pan deuh ha chungin a hmalama balloon-ah chuan “Mrs. Levin” tih inziak a awm a, hei hi a kawppui hming dik tak Benjamin Levin a sawina a ni.
Anni pahnih hi June 2023 atanga khan an inngaizawng tan a, December 2024 khan inhualin, an inneih hun tur erawh hunin a la hril ang chu, an la tirih a ni.