Aizawl: MHIP, Mamit Sub Hqrs te chuan an din champha vawi 25-na, Silver Jubilee chu Inrinni khan Mamit Chhimveng YMA Hall-ah an hmang, bialtu MLA Er H. Lalzirliana chuan khuallian niin a hmanpui.
Silver Jubilee lawmnaah khualzahawm atan tunhmaa Mamit Sub hqr MHIP Building sakna a hma lo lakpuitute Ex-MP (Lok Sabha) Vanlalzawma, Vice President MNF leh ex-minister Lalruatkima, Treasurer, MNF te an hmang bawk.
Khuallian bialtu MLA Er H Lalzirliana chuan thusawiin, nuho chu ram tan, khawtlang tan leh chhungkaw tana mi tangkai an ni tih sawiin, tha thlah lova tan la zel turin a fuih a; hlawltlinna nei tur chuan eng hnaah pawh nise a hniam emaw, a sang emaw, eng hna pawh zah a, an hnathawh chhan an hriat a ngai tih a sawi a. Eng hnaah pawh hlawhtling tur chuan teirei peih a tul thu leh mite hriat lohah pawh thawh fan fan a tul thin thu a sawi.
Inkhawmah hian khual zahawm Vanlalzawma leh Lalruatkima te pawhin thu an sawi a. MHIP Mamit Sub-Hqrs. Monument chu MHIP Gen. Hqrs President Lalliani’n a hawng a. Sub Hqrs-a OB lo ni tawh mi 23 hnenah leh Adviser lo ni tawhte hnenah chawimawina thuziak an hlan bawk.
MHIP Mamit Sub Hqrs hnuaiah hian Block panga, Joint pathum leh Mamit Town branch hnuaiah branch 11 awmin, a vaiin branch 75 an awm a. Member 21,867 vel an awm mek a ni.