A hmelthatna leh a hmingthanna avang ringawt pawh hian bawhbuaitu tlangval tam tak an awm tam dawn tehreng nen, dating game lam hi a tuipui zawk niin a lang.
Alicia Silvetstone hian a pasal Christopher Jarecki nen kum 2018 a an inthen atang khan dating app a tuipui hle a. Nuam tihzawng a inang lo te pawh a ni mahna le!
Kum 48 mi Clueless actress hian social media pakhat, dating app Bumble kaltlangin mipa a chhai zak zak mai a nih awm hi maw! He Bumble hi dating app niin, hmeichhia zawkin mipa va chhaia chet an lak hmasakna hmun tia sawi a ni.
Alicia hian he dating app a tuipui chhan sawiin, he app hi online dating satliah mai ni loin taksaa hriat theihna chi hrang hrang neia beiseina a neih tir niin a sawi ve tlat a. “A chang hi chuan he app kaltlanga mi dang va tawn hi online dating kaltlanga mi va date nen a inang lo,” a ti.
Kum 2005 khan Silverstone hian pasalah Jarecki a nei a, kum 2018 khan an inthen a. Fapa pakhat an nei hman a ni.