Aizawl: National Health Mission, Health & Family Welfare Department hnuaia programme pakhat, National Programme for Control of Blindness & Visual Impairment (NPCB&VI) team te chuan IPA Funded hmangin kar kal ta chhung khan Community Health Centre, Chawngte-ah eye camp neiin mit 109 zai a ni.
Ni khatnaah mit 30 zai niin ni hnihnaah 29 an zai a, ni thumnaah 28 leh ni linaah 22 an zai zo leh a ni.
Eye camp-ah hian NHM Aizawl atangin team member pariat an kal a, Dr. Lalnuntluangi Khiangte, State Programme Office, NPCB&VI, NHM bakah Dr. Zosangzuala, Eye Surgeon, Civil Hospital, Aizawl leh Nursing Officer, Ophthalmic Assistant leh driver te an tel.