Aizawl: Er. Lalhriatpuia, District Magistrate, Aizawl district chuan Inrinnia Prime Minister Narendra Modi-a’n Aizawl a tlawh tur kaihhnawihah drone khalh khapna thupek a chhuah.
Thawhtannia Section 163 BNSS 2023-in thuneihna a pek ang mipuite zawm turin thupek a chhuahah hian, “Aizawl district huamchhungah remote control hmang drone/aerial camera emaw, hetiang lam chi reng reng emaw, he thupek chhuah a nih atanga ni September 15, 2025 thleng, mi tumahin an hmang/thlawhtir tur a ni lo,” tiin a tar lang.
Thupek bawhchhia an awm a nih chuan an drone/aerial camera man emaw, kah thlaksak emaw an ni ang a, Section 223 BNS 2023 hmangin hrem an ni bawk ang tih tar lan a ni.
Thupek hi September 4, 2025 khan district magistrate seal chhuin hming a ziah hnan a ni.