AZL: Mizoram State Consumer Dispute Redressal Commission (Mizoram State Consumer Court)-in National Insurance Ltd. chu an tih tur an tih that tawk loh avangin Rs. 5,00,000 a chawi tir.
Thudawn danin ZD Lalremthanga, Vaivakawn chuan a chenna in chu leimin a tihchhia palh hlauhthawn thilah September 9, 2019 khan National Insurance Company Ltd. atangin Rs. 32,450 man, Standard Fire & Special Peril insurance policy a lei a, hei hi Rs vbc 1 thleng hmuh let theihna a ni a. National Insurance Company Ltd hian policy leitu remtihna tel lovin April 24, 2020 khan a insurance policy chu an cancel-sak a. A premium-a pek let lehna turin a bank account theh lut turin tih mah se, ZD Lalremthanga hian a theh lut duh lo a ni.
A hnuah ZD Lalremthanga in chu lei minin a tichhe ta ngei a, March 5, 2021 khan insurance chu a claim a; a dilna chu National Insurance Company Ltd chuan a hnawlsak avangin State Consumer Court-ah a zualko a. A dil ang takin court hian pe lo mah se National Insurance Company chu an tih tur a nihna ang taka an tih loh avangin zangnadawmna Rs. 5,00,000 pe turin a ti a, sum hi ni 60 chhunga pe turin a hriattir a ni.