Aizawl: Ministry of Housing & Urban Affairs Minister Manohar Lal Khattar chu Thawhtanni khan PHE Minister Prof. Lalnilawma chuan a chenna inah kawmin, Mizoram mamawh hrang hrangte a thlen.
An inkawmnaah PHE Minister Prof. Lalnilawma chuan Aizawl leh district headquarters hrang hranga mipui ten tui in tur hnianghnar zawk an neih theih dan tur project chungchangte a sawi pui a. Mizoram sorkar leh Chief Minister Lalduhoma ngei pawhin mi mal tak pawha a ngaih pawimawh, Mizoram khaw tina tui in tur hnianghnar zawk a awm theih nana hmalak dan tur chungchangte a thlen bawk.
Union minister chuan tui supply chungchanga intodelhna project-te tihpuitlin a nih thuai theih nan, sawi hona la neih leh ni se tiin kawng dap chhunzawma, hmalak zel an inhuam thu a sawi a ni.
An inkawmnaah hian D Thara IAS, Additional Secretary, MoHUA leh Jonathan Lalremruata, OSD to CM, Mizoram te an tel a ni.