Aizawl: Mizo Zirlai Pawl (MZP) hruaitute chuan nimin khan Chief Minister Lalduhoma chu a pisa-ah kawmin, kum 2025-2027 chhunga hruaitu thar an nih angin an hmachhawp hrang hrangte an sawipui.
Chief Minister chuan MZP hruaitu tharte chu zirlaite, ram leh hnam tana an ke pena kawngah duhsakna a hlan a, ram leh hnam tana tha turah chuan theihtawp chhuaha thawhho puiah a sawm.
MZP President Dr. C. Lalremruata chuan, zirna chungchang leh zirlaite chu an ngaih pawimawh ber tur a nih thu a sawi a. Ram leh hnam tana tha turah chuan sorkar thawhpui an inpeih reng thu Chief Minister a hrilh a. MZP hruaitu tharte nena inkawmhona hun tha tak a siam avangin lawmthu a sawi bawk.