AZL: MNF Sr Vice President Dr. R. Lalthangliana chuan aspirational district a nihna hmang tangkai thiamin hmalakna tur hrang hrang a awm tih a sawi.
Dampa bial by-election campaign-a thang mek MNF official candidate Dr. R. Lalthangliana chuan Dampa bial chhunga khaw hrang hrang a tlawh mek a. Nimin khan Phuldungsei, Saithah leh Lallen khuate tlawhin campaign beihpui a thlak.
Khuate a tlawhnaah Dr. R. Lalthangliana chuan Dampa bial by-election inthlanah a tlin chuan, MLA term sarih a hmanna tur a nih tur thu leh bial hmasawn nan MLA fund chauh hmang lo vin, heng lai hi aspirational district a nihna hmang tangkai thiamin hmalakna tur kawng hrang hrang a awm thei tih a sawi a. Tawnhriat a lo neih tawhna leh central lamah pawh official-te hmelhriat a ngah tawh avangin hmasawnna thahnem tak an pawh luh theih ngei a inbeisei tih a sawi.