Kum tam tak chhunga Asia-a thawk na ber tling, Typhoon Ragasa chuan Taiwan leh Philippines-a chhiatna nasa tak a thlen hnuah Hong Kong leh Chinese chhim lam vaukam nuai chhunzawmin tui fawnte chu electric ban aia sang sangin a invawrh.
Taiwan-ah hian Ragasa thawk avang hian county pakhatahmi 17 thiin kawngah tui a tling a, lirtheite pawh tui hian a len a. Philippines hmar lamah mi 10 thi an awm bawk.
China chhim lama sumdawnna hmunpui, Guangdong province vaukamah cheng mi maktaduai 1.9 dawn hmun hima saseng an ni a. Chuandao khuaa weather station chuan Nilaini chhuna thlipui chak lai khan darkar khatah km 241 a nih thu an sawi.
Sorkar broadcaster CCTV chuan typhoon hi an ram huna tlai dar 05:00 pelhah Hailing Island-a Yangjiang khawpuiah khawmual kaiin a chak laiin darkar khata km 144-a chakin thli a tleh tih an sawi.
Typhoon hian khawthlang lam pan zelin Ninganiah khan Gunagxi region-ah chuan rel an tlantir lo va. Chinese thuneitute chuan chhawmdawl hna thawh nan dollar maktaduai 10 chuang fe dah lawk a ni tih an sawi.
Khawpui tam tak, typhoon-in khawmual a kalna atanga hla lo deuh chinah chuan sikul, factory leh inkalpawhna chawlh niin thli a chak loh hnuah hna thawh chhunzawm leh a ni.
Ragasa hian super typhoon-a chak chungin Hong Kong a nuai ve thung a, khaw var hmain a thawk a ni.
Thli hian kea kalna lei chung hawkin thing tam tak a chhem thlu a. Vaukama lawng dahte pawh a chhe nasa hle a, tuipui kama thingpui dawr leh an bungruate pawh thli na tak hian a len chhe nasa hle a, mi 90 hliam tuar damdawi inah dah luh an ni.
Hong Kong leh a bula pawisa khelhna khawpui, Macao-ah chuan sikul chawlin thlawhna thlawh lohtir a ni a, dawr khar a ni bawk a. Mi tam tak hmun him an siamah awmin Macao kawtthlerah chuan tui a tam avangin lui ang mai a ni.
Chhanchhuah hna thawktuten lawngleng nan tangte an chanchhuak a. Pawisa khelhna khawpuiah hian hmun thenkhatah electricity a awm lo zauh zauh bawk.
Hong Kong-a khaw chin thlirna chuan Ragasa hi a chak lai berin thlipui darkar khata km 195 chuanga chak a nih thu leh chhim lam hawia a kal thu an sawi.
Khaw chin zirtute chuan Ragasa hi Pacific hmarthlang leh South China Sea huam chhunga kumina typhoon thawk na ber niin an sawi a. Kum 1950 atanga khaw chin thlirna siam a nih hnuah South China Sea region-a thawk na ber pahnihna niin an sawi bawk.