Aizawl: Mizoram sorkar Social Welfare Department-in tun thla ni 13-a Mizo dam lai zinga upa bera a puan Lalneihsangi, pi Buangi tia hriat kum 108 chu Inrinni zan dar 7:55 khan a thi.
Pi Buangi hi April 23, 1917 khan Aizawl Venghnuaiah a piang a, a pa Thangchhunga chu Mizorama Salvation Army zawm hmasa zinga mi niin, Corps Sergeant Major hmasa ber a ni.
Pi Buangi hi Mizo zinga midang tanpuina hmun, rehabilitation centre-a thawk hmasa zinga mi a ni a, Kolkata Behala Girls’ Home-ah hmeichhe rahbi tleu leh fahrahte enkawlna hmunah a thawk thin a ni. Kum 2022 khan Heritage Award buatsaih, Mizo Hmeichhe Chhuanawm (Women of Substance) hlan a lo ni tawh a, Social Welfare Minister Lalrinpuiin September ni 13 khan Aijal Club-ah Mizo dam lai zinga upa berah a puang a ni.
Pi Buangi ruang hi Inrinni zan khan lumen a ni a, nimin chawhnu dar 1-ah vui a ni.