Govt. Hrangbana College chuan kum 2025 chhunga an college Lady of the year atan Lalhminghlui Ralsun thlangin, Phuaibuang khua piang a ni a, a pa rawngbawlna avanga hmun hrang hranga awm kual thin an ni thung.
Hminghlui pa hi pastor niin, ani pawh hi Phuaibuang a an awm laia piang a ni a, tunah tak hian a pa chu Shillong lamah a awm tawh a, an unauin Aizawlah an khawsa thung.
Tunah hian Govt. Hrangbana College-ah 3rd semester zir mekin, higher secondary school a kal laiin science subject a la thin a, college-ah erawh Commerce-ah a insawn thung.
Modeling lam a tuina a ni em tih Thalai Times in a zawhna chu, ni em em lo tiing a chhang a, mahse a chhungte leh thianthate chuan helama kal tura an tih thin ve thu sawiin, a kalhmangte zir chunga an house aiawha pen chhuak ve ta pawh a nih thu a sawi.
Pastor fanu a nih avanga a chhungten khap leh remti lo ang chi chu a nih loh thu Hlui chuan sawiin, min tawiawmin, min tawngtaisak fo thin zawk a, ka chhungte leh thiante chungah pawh ka lawm hle, a ti.
Modeling lama kal zel a tum leh tum loh erawh hunin a la hril turah a ngai a, tunah erawh tumna em em a neih loh thu a sawi thung.
Lalhminghlui Ralsun hi kum 2005 November ni 24 a piang niin, a pa chu Ralsunthang Hmar a ni a, a nu chu Krosthangi a ni thung. An unau hi pali an ni a, a rawng ngainat chu a sen a ni.