Aizawl: MNF thalaiin Sakawrtuichhun leh PTC Lungverh inkar kawngpui siam a chhiat avangin a siamtu chu hrem ngei ni se an duh thu an sawi.
Inrinni khan MNYF hian Sakawrtuichhun leh PTC Lungverh inkar kawngpui hi an enfiah a, kawngpui hi ZPM Party-a PAC Member, Vanchunglura, Sairang-in Departmental Work hming pu-a a siam ni-a sawi anih thu an sawi a. Kawngpui siam dan chu kawng tinrengin a chhia tih an hmuh thu sawiin, an hmanraw hman a chhiat bakah cement chawhpawlh dan pawh a dik lo nasa niin a lang a. Hei bakah hian hnathawh dan hmang pawh a chhe hrim hrim a, kawngpui siam zawh tawh chu motor-in thla 2/1 a chil hnuah a sawm deuh vek a, PCC an chhun chu a chang lo hle tih an sawi.
MNYF chuan, he kawngpui siam thar hi a chhiat em em chhan chu hna inpek dan dik lo, induhsakna uchuak avanga contractor ni miah lovin ZPM nihna avanga hna a thawh vang ni-a an ngaih thu an sawi a. Dan lova hna an inpek avang hian GST pawh sorkarin a chan vek niin an sawi.