AZL: Mizoram sorkar, Synod Revival leh Central YMA te tangkawpin ruihhlo ngaite chhanchhuahna a buatsaih mek Hulhliap Short Stay Center batch 4-na chu nimin khan neih tan leh a ni a, tun tumah hian camper 200 vel an lut.
Camper-te thlahna hi Central YMA Hall leh Bawngkawn YMA Hall-ah hman a ni a. Camper-te dawnsawnna leh thlahna inkhawmah hian Malsawmzuala Ralte, Chairman MYC leh Hulhliap SSC bakah Rex Zarzoliana Vanchhawng, SP Aizawl, Peter Zohmingthanga, Joint Commissoner Excise and Narcotics leh Roneihthanga, Treasurer CYMA ten thu an sawi.
Hulhliap SSC Camping hian ni 20 chhung a awh ang a. Hulhliap SSC Batch hmasa lama chhuak tawh mi eng emaw zat chu kutthemthiam zirna neihpui tawh an ni a. Sorkar atanga certificate dawngin mahni kea dinga eizawnnna bul tan pawh an awm nual tawh a ni.