Aizawl: Hriat theih chinah Raw |hing tám avanga sazu puang avangin khaw 138 velin harsatna an tawk mek.
Agriculture & Farmers’ Welfare Department Minister PC Vanlalruata hovin nimin khan a pisa-ah department official pawimawh te chu tunhnai Raw Thing tám avanga sazu puang chungchang an sawi ho a. District hrang hranga hmalakna kal mek te thlirho vin, hmalak zel dan tur te ngaihtuahin an thukhawm.
Thutkhawmah hian Raw |hing tám avanga sazu puang hi hriat theih chinah khaw 138 velin harsatna an tawk mek tih tar lan a ni a. Agriculture Department chuan DAO kaltlangin, farmer te hnenah sazu tur — bromadiolone, zinc phosphide te tam tham tak a sem tawh a, sem tur hmabak pawh eng emaw zat a la awm a ni. Sazu puang nasatna khuaah te chuan VC te nen tangkawpin department chuan ‘rodent mass poisoning’ a kalpui mek tih tar lan a ni bawk.