Aizawl: Lawngtlai District NGO Coordination Committee-in LADC-ah Sorkar ngelnghet leh rintlak din an duh.
Inrinni khan Lawngtlai District NGO Coordination Committee chuan LADC inthlanpui neih zawh taka candidate-te ko khawmin, LADC a sorkar thar siam turah rorelna kalpui an duh dan leh sorkar ngelnghet a awm chu an duh dan a nih thu an hrilh.
Inkhawmah hian Lawngtlai District NGO Coordination Committee Chairman F. Lalrothanga chuan, LADC inthlanpui neih zawh taka vote tla chu Thawhlehniah chhiar a ni dawn a, rei loteah sorkar thar a piang dawn a, party mala sorkar emaw, thawhdunna leh thawhhona atanga sorkar siam emaw pawh nise, mipui ten sorkar nghelnghet an mamawh tih a sawi a, tu pawh tling se, candidate-te chu ram leh mipui dinhmun ngun taka thlir tur chunga rorelna kalpui turin a ngen.
Lawngtlai District NGO Co Ordination Committee chuan, LADC a sorkar indin dan emaw, sorkar kal danah emaw, mipui mit tikham zawnga chetna a awm a nih chuan a titawp tura theihtawp chhuah an tum thu an sawi.