Aizawl: Durtlang Leitan Branch YMA din champha vawi 39-na chu Thawhlehni zan khan Govt. Durtlang Middle School-III tualzawlah hman a ni. He hun hi Aizawl North -I bialtu MLA Vanlalhlana, minister chuan Khuallian niin hun a hmanpui.
Bialtu MLA Vanlalhlana chuan Leitan Branch YMA in a din champha vawi 39 na a thleng theite chu a lawmpui thu a sawi a. YMA chu pawl ropui tak a nih thu sawiin, Leitan Branch YMA chhunga kohhran hrang hrang thalai pawlte’n YMA Rising Day lawmnaa chanvo an nei thei chuan YMA huang zuahzia leh a ropuizia a ti lang chiang hle a ni, a ti a.
PWD Minister Vanlalhlana chuan hlawhtlinna thuruk chu taimakna, beih hram hramna, hun vawn dik leh mahni fel taka invawnte a nih thu a sawi.
Khuallian hian Rising Day lawmna puala Leitan Branch YMA-in chawimawina hrang hrang a siamte semchhuahna a nei a ni.