Aizawl: December ni 9, 2025 atang khan Synod Inkhawmpui vawi 102-na chu Zarkawt Kohhran Biak Inah neih tan niin, Pathianni zan khan a tiak.
December ni 10, 2025 chawhma dar 9:30 atangin Synod Rorel tan a ni a. Tun tumah hian general agenda 43 awmin, SEC/Boards atanga thu lut eng emaw zat a awm bawk. Synod Rorel hian December 13, 2025 (Inrinni) thleng a awh a ni.
December ni 14, 2025 (Pathianni) chawhma chu Pastor nemngheh leh Pro. Pastor ruat inkhawm neih a ni a. Chawhnuah Lalpa Zanriah Sakramen inkhawm niin, zan inkhawmah Moderator valedictory sermon ngaihthlak a ni.
Synod Inkhawmpui 2025-ah hian rorel palai mi 2,109 an kal a. Palai thlan mi 1,264 leh palai ni sa mi 845 an ni.
Synod 2024 – 2025 statistic atanga a lan danin, Presbytery – 48 (punna – 1), Pastor Bial zat – 310 (punna – 6), Kohhran zat – 1,185 (punna – 16) a ni a. Kohhran member zat – 6,46,891 (Mipa – 3,12,153; Hmeichhia – 3,34,738) (punna – 7,602) a ni.
Synod Inkhawmpui vawi 103-na chu Chanmari Pastor Bialin Chanmari Kohhran Biak Inah an thleng dawn a ni.