Red Hot Chili Peppers bassist Flea hian kum 40 kalta chhung khan rimawi engkim a tithei a ni tih finfiahna’n hun a hmang. Mi zawng zawng tan session musician niin, Johnny Cash atanga Alanis Morisstte thlengin a pui. Mahse, tunah chuan a amahin zinkawng a zawh tan.
Mi zawng zawng tana rimawi a buaipui theih piah lamah, Flea hian solo album mumal tak a buaipui ngai lo. Mahse, tunah chuan solo era lamah a fan-te zuan luhpuiin, a solo album thar atana a single hmasa ber a tichhuak.
RHCP bassist Flea hian a single thar a tihchhuah chu — A Plea — tiin a vuah. Nakkum lamah a solo album hi tihchhuah a tum a. Mahse, a album title tur erawh a la puangzar lo, hma a la ti deuh pawh a ni mai thei. Chutihrualin, a album chu Nonesuch label hnuai atangin a tichhuak dawn tih erawh a chiang.
Funk rock-in a nun a luah hma rei tak chhung chu, Flea-a tawng hmang a tawtawrawt lam a ni. Tun hnaiah he a hmanrua hi ngawi rengin a rawn la lut tial tial a. Nick Cave pawhin ‘trumpet record’ a tihsak hial! A album thar turah pawh a rawn zep tel nualin a rinawm ta hial a. A chiang erawh chu, jazz lam te nen a rawn chawhpawlh dawn tih hi a ni.
Tuna a single thar — A Plea — tihah pawh hian all-star crew nen jazz a rawn zep tel nghal. A track hi a ziah a ni nghal a, lead vocals, tawtawrawt ham leh electric bass te nen a rawn chei mawi a ni.