Aizawl: MNF President Zoramthanga chuan Exodus Day hmanga MNF a hum chhan chu chanchin tha hril tura a hnam thlan an ni tih a sawi.
Zoramin zalenna a sual laiin East Pakistan-ah hnam sipaite thih pukna ata chhanchhuaha an awm champha, Exodus Day vawi 54-na leh kumin atana MNF Hnam Run, Lunglei kharna puala inkhawm buatsaih a hmanpuinaah MNF President Zoramthanga chuan, kum 20 chhung hnam thuthlung humhim turin zalenna sualin, nationalism-ah thisen in an baptist a. Party dang lian tak tak an ral zel hunah pawh bul tan leh thei turin Pathianin Exodus Day hmangin humin, a damkhawchhuahtir chhan chu ‘Pathian leh kan ram tan’ tia kum 64 hmu ta, MNF party te chu chanchin tha hril tura a hnam thlan an ni tih a sawi.
Zoramthanga chuan Lungleia Mizoram University dah chungchangah, Mizoram legislative assembly-in a pass reng reng tidanglam tur chuan, House bawkin a pass leh a ngai a, house in dan a siam tawh chu kamthuah paha thiah ngawt theih a ni lo tih sawiin, Higher & Technical Education Minister-in Lungleia university dah chu chief minister in a sawi chu cabinet-in pass anga a sawi chu thenawm state-in an hria ang tih a hlauhawm a, an nuihzat viau a rin thu a sawi bawk.
Inkhawmah hian MNF President chuan an party-ah mi thar eng emaw zat a lawmlut bawk a ni.