Aizawl: Aizawl East II bialtu MLA B Lalchhanzova chuan Nilaini zing khan a bial chhung, Tuithiang veng a tlawh a. Khawtlang hruaitute hnenah hmeithai in chung tur rangva bundle nga bakah Tuithiang Branch YMA hnenah Badminton carpet leina tur, Rs 2,60,000 a hlan.
Bialtu MLA chuan Tuithiang Unit Zonu ten Chrismas inbuataihnana veng chhung tihfai hna thawh nan a mi mal sum, Rs 1,00,000 a pe bawk.
Supply Minister ni bawk B Lalchhanzova hian MLA fund hmanga Tuithiang vengthlang Taxi stand bula zun in an siam chu a tlawh nghal bawk a, MLA fund hmanga vantlang tana tangkai tur zun in tha leh mawi tak siam a ni chu lawmawm a tih thu a sawi.
Aizawl East-II MLA fund hmanga hnathawh te hi Block level committee ten endik hna an thawk thin a, bialtu MLA chuan Aizawl East-II chu Model Constituancy ni ngei thei tura hma a lak thu a sawi bawk.