Kum 5 ral an kai ta theuh mai. An hunlaia thawm ngah leh vawiin thlenga an music la play tam tak Black Eyed Peas (BEP) te chuan an member kima inhmukhawmin, hun hlimawm tak an hmang.
‘London Bridge’ singer Fergie chuan heng an thlalakte hi IG lamah post in, hetah hian amah ang bawka kum 50 tling ve ta a member te nen an thlalak a dah nual a, hun hlimawm leh nuam tak an hman thu a sawi.
Fergie chuan March ni 27 khan kum 50 tlingin, Will.i.am pawhin March ni 15 khan kum 50 a tling ve ta bawk a, an band member tho Taboo pawh July ni 14 khan a kum 50 tlinna niin, Apl.de.Ap erawh November ni 28 kha a kum 51 tlinna a ni ve thung.
Fergie chuan a thiante nen an hun hman chu zan danglam leh chhinchhiah tlak tak a ni, tia sawiin, ka hlim tak zet a, ka thiante pawh an hlim hle. Hetiang hun hi kan hman ho theih pawh kan ring ngai lo asin, a ti.
Black Eyed Peas hi kum 1995 kum khan Will.i.am, Apl.de.Ap leh Taboo te chuan dinin, a hnu kum hnihah an vocalist Kim Hill chuan a chhuahsan a, kum 2002 khan Fergie hian a zawm veleh a, tun hma angin programme lian tham la thei tawh lo se vawiin thlengin an la inzui tlang ta zel a, Fergie tel hnu hian album pali an tichhuak hman a ni.