AZL: Kawnpui leh Sihphir inkar kawng black topping hna thawh mek chu Central YMA Raod Monitoring team duhthu a sam loh avangin BRO chief engineer leh contractor-te chu Zirtawpni hian Central YMA-ah leng turin an ko.
Thawhlehni khan Central YMA President R. Lalngheta hovin, Central YMA Road Monitoring Team chuan Kawnpui leh Sihphir inkar kawng black topping hna thawh mek an enfiah a. Road monitoring team-te hi Sihphir, Lungdai, Sentlang, Serkhan leh Zanlawn Branch YMA ten an tawiawm.
BRO hnuaia contractor BRN Infrastructure Private Limited in he lai kawng an siam mek chu, kawng enfiahtute chuan duhthu a sam lo hle niin an hmu a, an kawng siam pawh hi a tha lo hle niin an hmu bawk.
Central YMA Raod Monitoring team chuan BRO leh Contractor te chu tha tak a siam turin an hrilh a. Sihphir leh Kawngpui inkara Branch YMA te pawh an huam chhungah tha taka vil turin an chah a. BRO Chief Engineer leh Contractor te chu Zirtawpni khian Tuikhuahtlanga Central YMA office-ah leng turin an ko a ni.