Aizawl: Mizoram Journalist Association, Mamit District Annual Conference vawi – 18 na chu Inrinni khan MJA Press Club, Mamit-ah hman a ni.
MJA Mamit District Annual Conference hi hun hniha then niin, chawhma hunah rorelna neih a ni a. MJA Mamit President Lalhuma chuan thu sawiin, MJA Mamit District member-te chu thawhhona tha tak hnuaia kal zel tura chahin, ram leh khawtlang khalh ngil tura theihtawp chhuah tur leh tunlai thiamna hmang tangkaia mahni pawh inzir thar zel tura hmala zel turin a chah.
Chawhnu hunah kum 2026 – 2028 chhunga MJA Mamit district hruaitu turte thlanna neih niin, President atan Lalhuma, Vice President-ah P. Lalchunglura leh Treasurer-ah H. Lalramliana te thlan an ni.