Chief Minister Lalduhoma’n a fapa hminga UNNATI scheme hnuaiah State Bank of India (SBI) kaltlanga loan puk a tum chu thil dik lo ti anga puh phet an tum chu mak a tih thu a sawi.
Assembly Budget session neih meka Zirtawpnia Champhai North bialtu MLA Ginzalal-a’n ‘ZPM sorkarin Mizoram tana a hnathawhte hi a lawmawm kan ti’ tih private resolution a put luh sawihonaa a hmawrbawknaah Finance changtu chief minister chuan, “UNNATI scheme hnuaiah SBI atangin ka fapain Rs vbc 15 puk a tum chu eng nge a thianghlim lohna? Eng nge a that lohna, eng nge a dik lohna? Thil dik lo eng nge awm hetia ka sawi fo? Midang pawhin an duh chuan an ti ve thei a, kan ti ve a ni mai alawm,” a ti.
Chief Minister chuan Chawlhhmuna a insak chu MLA inthlan hma atanga an bultan tawh a ni a. MLA pawh nilo mah se an sa dawn tho tho tiin, UNNATI loan an puk chu an hlepruk pawh a nih loh thu a sawi.