Mizoram sorkarin petrol leh diesel atanga Road Infrastructure Cess a lak atangin nikum December thleng khan Rs 46,68,72,326 hmu tling.
Mizoram Assembly Budget Session neih meka MNF member Lalchhandama Ralte zawhna, Finance changtu, Chief Minister Lalduhoma’n ziaka a chhan danin sorkarin petrol leh diesel atanga Road Infrastructure Cess hi FY 2024-2025 (October, 2024-March, 2025) chhungin Rs 13,25,12,578 a hmu tling tawh a. FY 2025-26 (April, 2025-December, 2025) chhunga hmuh tawh zat chu Rs 33,43,59,748 a ni.
Road Maintainance Cess atanga sum hmuh atang hian Rs vbc 15 chu BE 2025-2026-ah Mizoram State Road Fund Board hnuaia kawng siam nan dah a ni a. A hmanna kimchang hi chu Mizoram State Road Fund Board kut a nih avangin finance department-in record a nei lo tiin Lalduhoma’n a sawi.
Petrol leh diesel atanga sorkarin Social Infrastructure & Services Cess a lak atangin FY 2024-2025 (October, 2024 – March, 2025) chhungin Rs 13,25,12,578 leh FY 2025 – 206 (April, 2025 – December, 2025) chhungin Rs 33,43,59,748 a hmu tawh.
Sum tlingkhawmte hi Health & Family Welfare department hnenah Rs nuai 300 pek a ni a. Social Welfare department hnenah Hulhliap (Short Stay) atan Rs nuai 150, social services atan Rs nuai 75 pek a ni a. Women & Child Development hnenah Rs nuai 75 pek tawh niin, Higher & Technical department leh School Education department te hnenah Rs nuai 150 ve ve pek a ni tawh bawk.