Aizawl: Champhai Police-ten ruihhlo Rs vbc 465 chuang hu an man chu Thawhlehni khan District Bawrhsap Mohammad Aaquib chuan District Hospital Complex-ah a hal ral.
Bawrhsap Aaquib chuan thu sawiin nikumah khan Rs vbc 117 chuang hu ruihhlo halral a nih tawh thu leh kuminah hmasawnna ropui tak Champhai Police-ten neia Rs vbc 465 chuang lai hal ral a ni leh tur chu lawmawm a tih thu a sawi.
Ruihhlo hal ral takte hi Champhai Police-ten hmun hrang hranga an man, District Court-in halral tura phalna a pek tawh te an ni.
March 2025 atanga October 2025 chhunga man te niin ND&PS Act tlawhchhana thubuai 99 ziah luhte an ni.
Hemi hun chhung hian Heroin Kg 35.852 a rit, Rs vbc 71.70, Methamphetamine Kg 490.896 a rit, Rs vbc 392.71 leh Alprazolam Kg 4.740 a rit, Rs. nuai 94.8 man hu a ni a, a vai hian Rs vbc 465.3 chuang hu man a ni.
Kum 2025 chhung khan Champhai Police-te chuan ND&PS Act tlawhchhanin thubuai 147 an ziak lut a, hemi kaihhnawihah hian mihring 260 man niin an zingah hian ramdang mi (Myanmar) 58 man tel an ni bawk.
Kum 2025 chhung khan Heroin Kg 38.477, Methamphetamine Kg 622.4, Crystal Methamphetamine Kg 5.169, Caffeine Kg 3000, Alprazolam Kg 4.470 leh Corex Gram 1.6 te an man.
January 1-April 20, 2026 chhung khan ND&PS Act. tlawhchhanin thubuai 47 an ziak lut a, mihring 76 man niin an zingah hian ram dang mi (Myanmar) 22 man tel an ni bawk.
January 1 atanga April 20, 2026 chhung hian Heroin Kg 8.266, Methamphetamine Kg 76.245 leh Crystal Methamphetamine kg 10.259 te an man a ni.