Los Angeles-a Rose Ceremony-ah Shania Twain chuan a album thar tur sawichhuakin, a naupan lai hun thlirletna lam a nih tur thu a sawi.
Kum 60 mi Twain chuan, ka naupan lai, ka seilen chhoh dan boruak vel a ni dawn a, hun hlui tam tak thlirletna a ni ber ang, a ti.
A fan te chu a zinkawng chhuiletna lam hla tur a nih avangin hrethiam turin a ngen lawk a, a hla kalphung pawh a dang deuh mai thei, niin a sawi a ni.
Amah chuan a nghahhlelh tawh thu sawiin, a zai ngainatute pawhin an nghahhlelhpui ngei a beisei thu a sawi a, a hun leh ni tur erawh a la chian theih loh thu sawiin, kumin pawh a ni thut thei, a ti.
Shani hian May 17, Pathianni hian Las Vegas-ah 2026 ACM Awards a host dawn a, hetah hian a music chungchang eng engemaw puanchhuah belh tur a la nei niin a sawi bawk.