India cricket team captian hlui, MS Dhoni chu Jharkhand-a mi mal chhiah chawi hnem ber a nih thu an puang.
Dhoni hi 2025-26 tangka kum chhungin Bihar-Jharkhand bialah mi mal chhiah chawi hnem ber atana puan a ni nawn leh a, hei hian international cricket atanga a chawlh hnu kum tam tak liam tawhah pawh he cricket icon sum lak luh lam dinhmun la sanzia a tar lang chiang hle.
Ranchi-ah Bihar leh Jharkhand-a Principal Chief Commissioner of Income Tax Dr. D. Sudhakar Rao-a chuan he mi chungchang hi a puang a. He biala mi mal chhiah chawi tam ber chu Dhoni a la ni reng tih a nemnghet.
India leh Chennai Super Kings captain hluiin chhiah a chawi zat chiah hi tar lan ni lo mah se thuneituten Dhoni chu mi mal chhiah chawi hnem ber a la ni zel tih an sawi chiang a ni.