A zawna a kum thum nan Conan O’Brien chu Oscar host tura thlan a ni a, kum 63 mi hian nakkum (2027) a kaihruai leh dawn a ni.
Oscar vawi 99-na hi a zawna a tum thum nan Emmy Award dawng tawh leh television star, comedian ni bawk hian a host tur thu May 12 khan tihchian a ni.
Disney television group president Craig Erwich chuan thuchhuah siamin, Conan an thawhpui leh thei tur chu a lawmawm thu a sawi a, anmahni lam tan pawh inchhuanna tham a nih bakah, team tin kan phur phah hle, a ti.
Kum 2025 kha O’Brien-a host hmasak tum niin, khami tum khan kum nga chhunga entu ngah ber record an siam nghal a, mi maktaduai 19 chuang entu an nei a ni.
Academy Awards ngaihhlut hlawh hi a vawi 98-na chu kumin March thla khan neih niin, Oscars 2027 chu nakkum March 14-ah neih leh tur niin, Ovation Hollywood-a Dolby Theatre atanga live-a pekchhuak tur a nih thu puan a ni bawk.