Arirang world tour nei mek BTS te chuan an hmachhawpah Brusells, London, Munich leh Paris te la awmin, anmahni pawh theihtawp chhuahin an la inbuatsaih chho zel.
Tun hnai khan an member zinga mi Jungkook chuan livestream neiin, an fan te chuan mu hahdam a, chawl hahdam turin an ti nasa hle a, mahse hmachhawp an la neih len em avangin fan te chu anmahni hrethiam a, mu hahdam tura hrilh rih lo turin a ngen let.
Min hrethiam hram teh u. Kan programme hi a la lian hlawm si a, mu hahdam turin min rawn hrilh rih suh u, kan thutlukna hi min zahsak hram rawh u, ka hriselna dinhmun pawh a tha e, tiin Jungkook chuan a chhang let a ni.
In mi ngaihtuahna avangin ka lawm tak zet. Mahse, doctor thiam ber berten kan hriselna dinhmun min endiksak reng a, chawlh hahdama, mut hahdam vang vang chu kan chak thin lutuk, kan programme duansa hi min zahsak hram rawh u, a ti bawk a ni.
Tunah hian chawlin, mut hahdam tum ringawt pawh ila, kan thiante an la tour zel dawn tho a, ka mu thei chuang lo ang. Zan lamah ka khumah ka tlaivar tho ka ring, chuvang chuan min hrethiam ula, kan thutlukna min zahsak hram rawh u, Jungkook chuan a ti.