India leh Mizo kan indo a, kan hruaitute khan mahni kea din ngei tumin theihtawpin kan ram tan an bei a, an beisei ang zawng zawng hmu pha lo mah ila, vawiinah chuan ralmuang takin kan awm thei ta.
Mizoten mahni kut ngeia ding thei tura an beihna leh an rammutna kha a mizopa rilru tak zet a, sawi nep theih a ni lo. Mizote chu intodelh a, mahni ram chin pe na tak hnam kan ni si a.
Tun hnaiah ram mut lai boruak sawi changa sawi hnawm duh an awm thin niin a lang a, a pawi hle. Kan hmaa mihuai kaltate ke hniak kha a mawi a, a zahawm a, mahnia tal hrang thei tura zalenna an sual kha ropui tak a ni.
An zalenna sual kawngah khan hling leh bawn tam tak an paltlang a, an dai fuh reng bik lo a, an duh ber zalenna famkim pawh an hmu lo a ni thei. Mahse, vawiinah chuan muangleiin, mahni awmhmunah kan duh dan danin kan rak thei a, state ralmuang tak kan nih phah thei ringawtte hi a hlu asin.
Remna hi a hlu a, Remna Ni pawh hi hriatreng leh urhsun zawka hman zel ni thei se la, eng political party pawh lo sorkar se, Remna Ni hman hi i uar deuh deuh zel ang u. Hemi kawnga hmala ziahtu leh remna kawnga thawhhlawk tak zinga mi ni bawk kan zirlai pawlte hun hman thin pawh hi i ngai pawimawh sauh sauh zel ang u.