June 30 khan Kareem Rahma’s talk show episode pakhatah Jennifer Lopez chu inlanin, inthenna chungchangah a ngaihdan hrang hrang a sawichhuak.
Lopez chuan inthenna hi hlawhchhamna a ni lo a, a lehpek atana tha zawka chhuah theihna kawng pakhat a ni, a ti.
A sawi zel danin, kan kawppuite nen kan inthen hian mi tam tak chuan mak min ti a, a thenin min fak a, a thenin min rel zui hrep bawk a. Mahse, inlawmpui zawk tur kan ni, a ti.
Inlawmpui ila, mi pahnihin ngun leh uluk taka ngaihtuah chunga thutlukna an siamna a nih avangin kan lawmpuiin, a lehpeka an hun hman tur lamah duhsakna kan hlan zawk tur niah ka ngai, a ti bawk.
Inthenna awm thin hi tha ka ti hauh lo a, mahse nupa inthenna a lo thleng a nih chuan kan ruahman lawknaah tel ve lo a nih miau avangin ngun taka an thutlukna siam hi tawmpuiin, kan lawmpui zawk tur niah ka ngai, a ti a ni.
Ngaihzawng neih leh lam an zawhna erawh Lopez chuan a ngaihtuahnaa la awm rih lo a nih thu sawiin, engtikah emaw chuan a tana mipa tha tak a la tawn ve ngei a rin thu a sawi.